紮手帶(3.5米至5米)
紮手帶主要用途: 吸汗 保護皮膚同 關節。每次帶上拳套之前都要紮好, 所以是拳擊初哥必備品。價錢大概一百幾十有排用, 各大拳館都有售。基於衛生問題, 手汗多少人人唔同 就算有得借都諗清楚 有學員帶完公家紮手帶上完堂要去睇醫生。平時用完貼返好魔術貼機洗即可。溫馨提示, 記得唔好買3米以下 唔夠長又要買過啦!
拳套
拳套都係較貼身物品 因為帶左拳套打拳會出好多汗。自己有就最衛生 有學員帶完公家拳套上完堂要去睇醫生。因為好多時公家拳套上一手上完堂都未乾就到下個 下次就教下大家點簡拳套
淋浴用品
泰拳運動量大, 上完堂一定好大汗濕晒。大部份拳館都有淋浴設備 記得帶齊衣物 毛巾啦!
足夠睡眠/休息
初哥無做開劇烈運動好大機會唔慣 唔夠訓再做劇烈運動係好危險! 留意!
提早/準時上堂
準時到達上堂係對自己 拳館同師父既專重, 人地教你野就唔好遲到啦! 如果早到5-10 分鐘就最好 又要換衫 又要教你紮手先開始。有時見到學員遲成15分鐘 成堂熱身都做完 人地都唔知係邊度開始教你好!
虛心學習
好多時會聽到初哥講: 成堂剩係叫我跳繩 掌上壓 SIT UP 呢D我都識係屋企做啦/ JAB 下JAB 下咁簡單好悶呀 可唔可以好似個位師兄咁對打呀……..其實泰拳/拳擊係體能需求好大既運動, 初哥好多時基本體能都未有人地又點教你更進階既技巧